(سؤال) بقلم أبو رامي الأسواني

(سؤال)
سألوني مره عن الراحه
انا قلت ف بعدى عن الدوشه
عن حد اديته كتير وماصانش ف يوم ليا العشره
عن ناس ضمايرها سوء وسواد
مهما انت بتعمل برضو بعاد
الراحه
بأنك تعمل بضمير مع حد يكون اصلا واطى
تسند وتساعد وتهاتى
كل اللى معاك دايما مش ليك
ومهما عملت ليك ينسى
ولا يوم بيردلك اى جميل
الناقص منه خلاص ناقص
ولا ليه قيمه ولا له تقدير
انسى اللى عملته وماتعملش
حاجه ف ناقص ما بيطمرش
الراحه ف انك يوم تبعد
ولا تزعل من حد وتسند
وتلصم فيهم لجروحهم
اول ما يقومو ويتعافو
انت اول واحد راح يدوسوه
زى ما نسيوكم انتم تنسوه
الراحه والله بعيد عنهم
بالراحه راح تعيشوه
ابو رامى الاسوانى