عفيفى عبد الحميد   يحاور الناس اللى تحت عم عادل بائع الفخار : الحصان اللى بيجر العربية بياكل بـــ28 جنية فى اليوم و أنا باكل بــ12 جنية

 . منهم لله اللى عملوا الثورة علشان يسرقوا

هذا الرجل البسيط لا يعرف عنه الناس ولا حتى المسئولين شىء سوى المقربين منه دعونا نضع أوجاع الناس بين أيدى المسئولين لعل و عسى أن تأخذ طريقها للحل . لذلك أصررت على إجراء هذا الحوار مع أحد المطحونين الذى لم يحاول يوم مخالفة القانون أو التعدى على ما ليس له للحصول على قوت يومه وهو

عم عادل بائع الفخار فكان الحوار ممتع أخرج الرجل ما يجيش بصدره بكل صراحة . حيث قال

أنا عادل محمد اسماعيل من مدينة شبين القناطر

ما هو عملك يا عم عادل ؟

أنا رجل ابيع القلل و بعض المصنوعات الفخارية

كم عمرك ؟  أنا عندى 52 سنة

منذ متى و انت تعمل فى هذه المهنه ؟ أنا أعمل فى هذه المهنة منذ صغرى فأنا ورثتها من أبى و أنا أعمل فيها أبا عن جد .

هل لديك أولاد ؟ نعم عندى ثلاثة  بنات وولد بنتين فى الجامعة و الأخيرة فى الصف الثالث و إبنى بيشتغل نقاش .

هل تذهب و تعود كل يوم بهذه العربيه الكارو ؟

نعم أنا كل يوم فى محافظة أذهب إالى الشرقية و المرج و كل يوم خميس فى الخانكة ؟

هل هذه المهنة مجديه تكفى حاجتك ؟

يا استاذ إحنا بنأوح لأننا لا نعلم غيرها و لكن الحمد لله ربنا ما بينساش حد .

هل عندك مورد آخر ؟

 لا و الله لا وظيفة و لا أى مود آخر .

أما أولادى بنات فى الكليه و تعمل فى محل ملابس أما إبنى يعمل نقاش بيشتغل يوم و يقعد يوم .

متى تبدأ عملك يا عم على ؟ سعات أقوم الساعة 7 صباحا أحمل و أما أروح الشرقية أقوم الساعة 5 الفجر .

ومتى تعود الى المنزل ؟ سعات أرجع الساعة 10 أو 11 ليلا . كان زمان قبل ما يمشى حسنى مبارك كنت بأرجع بيتى الساعة 1 صباحا لأن الجو كان أمان أما الأن لازم الساعة 11 أكون داخل بلدى . وظل عم عادل ينقم من الثورة و اللى عملها . الحال واقف يا استاذ فى كل شىء والشغلانه دى بتموت بس إحنا خدنا على حاجة فيها و لكن الحمد لله .

ما هو رأس مالك فى هذه المهنة ؟

لا مفيش رأس مال اللى بنبيع به طوال الأسبوع بنجيب به نقلة على طول يوم الجمعة .

عم عادل الحصان اللى بيجر العربية بيكلفك كتير ؟

يا استاذ أنت شوف الشل مليان برسيم و جايب له دشيشه و ذرة . و دلوقتى هو بياكل أهو و شربته و باليل هاروح أجيب له عليقه لازم ياكل و يشرب .

عم عادل ايه وجبة الحصان اليومية ؟

فى الصبح بياكل ب 10 جنية برسيم أقوم كل يوم أسقيه و أحمية ثم أضع له الفطار . أما الظهر اشترى له 2 كيلو دشيشه ب 6 جنية و التبن ساعات اشتريه و ساعات أجيبه ببلاش أما بالليل ب 12 جنيه عبارة عن ذرة و دشيشة أو شعير .

يعنى الحصان بيأكل فى اليوم ب 28 جنية . أنت يا عم عادل صاحب هذا الحصان تأكل بكم فى اليوم ؟ فى الفطارآكل شقة فول معاها بيضة ب 2 جنية . أما الغدا لسه حالا متغدى جبنه و رغفين يعنى فى حدود 5 جنية  .

و العشى بيكون حسب الظروف ممكن اقعد مع أقاربى يجيبوا عيش فينو و جبنة و زيتون .

يعنى أنت لا تأكل فى اليوم ب15 جنية ؟ صح الكلام دا بس الحصان دا مش خسارة فيه أى شىء لأنه ساعات بيجر العربية طوال 4 ساعات متواصل لما اروح الشرقية .

عم عادل لو الحصان تعب ماذا تفعل ؟ طبعا لازم أعالجة لانه يعتبر هو اللى ممشينى وحصلت معايا و كان عندى حصان و تعب و عالجته عند الدكتور . خلى بالك علاجه مش رخيص . كشف الدكتور بالعلاج 250 جنية .

عم عادل انت مبسوط ؟ الحمد لله . بس عايزين الدنيا تتعدل تانى لأن أيام حسنى مبارك كانت أحسن من الوقت دا . ليه ؟ الناس تعبت يا استاذ و الجو وحش أن بأمشى فى البلاد عامله زى الترب أيام حسنى مبارك كان فى خير كتير و كنت بأبيع القلل بالأرز فى الشرقية و الذرة كان فى خير .

كم تعطى أولادك مصروف يومى ؟ كل واحدة بأخذ 20 جنية علشان تروح الكلية كل يوم . و أخذ عم عادل يردد الله ينتقم منهم اللى قاموا بالثورة علشان يعرفوا يسرقوا .

هى الثورة مش عجباك ؟  شوف اللى بيولعوا فى البلد كل يوم الله ينتقم منهم  

نفسك فى ايه يا عم عادل ؟ نفسى الدنيا تتعدل مع الناس كلها لأن الحال واقف على كل الناس . روح كده للجزار تلاقى اللحمه ناشفه عنده .